أخبار عاجلة
الرئيسية / راحة للمُتعـَبين / تصرفات خطيبي محيراني ومش عارفة أكمل ولا لأ – إرشدوني

تصرفات خطيبي محيراني ومش عارفة أكمل ولا لأ – إرشدوني

   
#م_الاخر

– م الاخر: مساء الخير.. انا صغيرة في السن ومشكلتي اني حاسة ان خطيبي بخيل وخايفه من كده بعدين ومش قادره احدد اذا كان هو بخيل ولا ايه وده محيرني
وتاني حاجه خناقاتنا كتير جدا هو بيقول انه بيحبني ومتمسك بيا جامد بس انا من افعاله مش حاسه كده .. بيتعصب عليا كتير .

هو حنين جدا ومش بيستحمل اني ابقي زعلانة ولما ببكي مش بيستحمل يشوفني كده وبيعمل اي حاجه تضحكني .

بس هو مسافر وانا مش حاسه اني مخطوبه
حاسه كاني لسه سنجل
ونفسيتي بقيت زفت من كده

وحاجه تاني خانقاني ومخلياني محتاره اكمل ولا انفصل ان البيت صغير وف مكان مش حلو
وفي فرق سن بينا 10 سنين وهو اول حد يتقدملي مع العلم انا سني لسه صغير وجميله واصحابي حاليا اتخطبوا ..كذا حد
وبيبقي عن حب من كذا سنه وكمان فرق سن اقل وشقه اكبر بكتير وبيتمنالهم الرضا وعلطول هدايا ومش بيبخل عليها بحاجه

وده مش بلاقيه في خطيبي

اه انا بحبه بس ساعات احس اني بحبه جدا وساعات ابقي مش طايقاه وساعات اقول انا لسه صغيره 20 سنه وهتجيلي فرص احلي بكتير لاني زي ماقولت جميله وكمان محترمه وعندي وظيفتي وليا وضعي

انا في حيره جامده ومش عارفه استمتع بحياتي ومخنوقه جامد بسبب التردد ده والمقارنه وانا طبعي اني بخاف من الناس اللي مش عارفاها واللي نعرفه احسن من اللي منعرفوش لانه قريبي

وخايفه لو سبته وهو بعيد في الغربه تحصله حاجه ويبقي بسببي مع العلم هو سافر بعد مااتخطبنا عشان يحسن من مستواه المادي
اسفه للاطاله

بس ياريت كل اللي يشوف البوست يرد لو سمحتوا وبدون تجريح او استهزاء .

وصلولي ربنا يرشدني ويفرحني

شاهد أيضاً

قِصتي: إحساس الخيانة صعب جداً – ربنا ما يدوقه لحد أبداً

– م الاخر: أنا موضوعى شبه الأفلام الهندى بالظبط صعب يتصدق.. بس دا اللى حصل …

شير