أخبار عاجلة
الرئيسية / راحة للمُتعـَبين / انا وخطيبي وموبايله اللي محيرني- ساعدوني برأيكم

انا وخطيبي وموبايله اللي محيرني- ساعدوني برأيكم

   
#م_الاخر

– م الاخر: مش عارفة المشكلة فيا ولا في خطيبي ولا في موبايله!!!.. انا مخطوبة بقالي سنة و نص و اعرف خطيبي من ايام الجامعة في الاول كان بيدني الباسورد بتاع الفيس عادي بس كان بلوك.. يعني عشان ادخل يتبعتله مسج علي الموبايل بكود يبعتهولي عشان ادخل ..

بعد كدة غيره و مارضيش يدهوني و قال ان دي عدم ثقه اني ادخل ادور في حاجته
و اصلا كان ماسح للمسجات مع اني قولتله اني مش هاشوفها و مع ذلك مسحها و ده خلاني اشوك فيه ..
ده قبل الخطوبة ..

دلوقتي و احنا مخطوبين علطول شايل موبايله في جيبه يا ماسكه في ايده
و لما امسكه ياخده مني يقولي ان اصحابه بيبعتو شتايم و حاجات وحشه مش عايزني اشوفها.
المهم خدت موبايله انزل منه صوره مش عارفه انزلها عندي
فضل يقولي هاتيه في حد بعتلي حاجة
قولتله ثواني طيب فضل واقف لحد ما اخده انا اتنرفزت و قولتله انته ايه اللي مخبيه مش عايزني اشوفه ؟
قالي مبحبش حد يمسك موبايلي و مش مخبي حاجة ده طبع

و انا مصدقتش و عملت مشكله و زعقت
راح قاللي اللي عندك اعمليه .. مش هاوريكي حاجة ده لو عندي حاجة اصلا
طب لو هو مفيش حاجة زي ما بيقول اومال ليه ماخلنيش اشوفه؟
و مش طايق اني امسك الموبايل

و يعني ايه حد ؟ بعد كل السنين دي انا حد ؟؟!!
غريبة مامسكش موبايله !!..

اومال اتجوزه ازاي و هو موبايله مش مأمني عليه!!!!
يا مخبي حاجة عليا هو ده عادي ؟!

انا تعبت محتاجة رأيكم 🙁

شاهد أيضاً

قِصتي: إحساس الخيانة صعب جداً – ربنا ما يدوقه لحد أبداً

– م الاخر: أنا موضوعى شبه الأفلام الهندى بالظبط صعب يتصدق.. بس دا اللى حصل …

شير