أخبار عاجلة
الرئيسية / راحة للمُتعـَبين / هو بيعمل كده عشان ظروف الشباب والبلد؟؟ حد يفيدنى

هو بيعمل كده عشان ظروف الشباب والبلد؟؟ حد يفيدنى

#م_الاخر

– م الاخر: كنت داخلة موضوع ارتباط مع شاب زميل لي.. و أخد فترة طويلة بيحاول يتقرب منى بكل الطرق .. ولما اعطيته الفرصة بدا يفهمنى ظروفه كلها..

و بدا يفهمنى كل خطوة ناوى ياخدها لدرجة انى حسيت انه بيشيلنى الهم معاه .. وبدا كلامه ميعجبنيش لانه بيستسهل وبسترخص كل حاجه بحجه الظروف وظروف البلد والشباب ..

ولما اتناقشت معاه بدأ يتهمنى انى عايزة حد اعلى منه وانى عايزة مستوى اعلى وبدا يقولى انه مش هيناسبنى مع انى حاولت افهمه ان كل اللي انا عايزاه هو ان الصح هو اللي يتعمل من غير مانضغط على بعض .. قاللى ربنا يديكى الاعلى منى ال يقدر يسعدك ..

اخدت منه الكلام بصدمه وقطعت كلام معاه وبعدها بفتره لقيته بيرجع تانى لحد ما طلب يقابل ماما وعرف يأثر عليا بحجة انه لو لف الدنيا مش هيلاقى زيي وكلام من ده كتير وانه هيعمل اللي يرضينى ..

انا قلت ده حد متمسك بيا وبيحاول يراضينى على قد مايقدر .. بس رجع تانى مش عايز يعمل العادى عايز يعمل الاقل من العادى عشان يظبط الدنيا ويلخص فتره الخطوبة .. وقلت مش مشكلة البساطة حلوة.

لحد ما روحت شفت الشقة .. لقيتها ف بيت قديم جدا والشقة ضيقه جداااااااا ونفسيا مش مريحة بالمرة ..

ولما كلمته عن رأيي بكل صراحة لقيت رده هو ده اللي عندى ود ى ظروفى حتى ماحاولش يتناقش معايا في حل يرضينا احنا الاتنين..
وقفل معايا الكلام ب ابقى بلغينى برأيك..

حد يفيدنى هل عشان ظروف الشباب و البلد ؟؟!!!!
هو غصب عنه ؟ ولا هو انسان بيستسهل ومش عايز يتعب نفسه …
بليز تنزل المشكلة من غير اسمى.

شاهد أيضاً

مشكلتي بسبب بنت عمي

– م الاخر: السلام لكم.. ممكن اعرض المشكله بتاعتي؟؟ انا شاب 27 سنه من الصعيد.. …

شير